Нийслэлийн Засаг дарга бөгөөд Улаанбаатар хотын захирагчид нэр дэвшигч С.Амарсайхан, С.Мөнхчулуун нарт НИТХ-ын төлөөлөгчид нууцаар саналаа өглөө. Санал хураалт явагдсаны дараа дүнг гаргаж танилцуулаад Ерөнхий сайдад хүргүүлэх ёстой. Хуралдаанд 43 төлөөлөгч оролцсон. Санал хураалтад оролцсон төлөөлөгчдөөс нэг төлөөлөгч саналын хуудсыг хүчингүй болгож булан дээр нь гурвалжин тэмдэглэгээ хийсэн байна. Ингээд үлдсэн төлөөлөгчдийн санал 21:21-ээр тэнцэж дахин санал явуулсан юм.
Дахин санал хураалт дуусч саналыг тоолж дууслаа. Ингээд нэр дэвшигч С.Мөнхчулуун олонхийн санал авч хотын даргаар томилогдохоор болж байна. Нийт саналын 24 нь С. Мөнхчулуун төлөөлөгчид саналаа өгч С.Амарсайхан 19 санал авчээ. Нийт 43 төлөөлөгч саналаа өгснөөс хүчингүй саналын хуудас гарсангүй.
Хотын дарга болсон хүнийг танихгүй хэн гэдэг билээ хэмээн эргэлзээ сошиал талбар дээр өрнөж байна. Эргэн сануулахад: Хар тамхины хэргээр баригдаж байсан, мөн олон нийтийн газар согтуугаар агсам тавихдаа сэлэм барьж бусдад халдсан С.Бямбацогтын ах билээ. Тэр гэр бүлийнхээ буянд аль хэдийн олны танил болсон юм
Нийт 0